GUREGANDIK GERTU

Aiako plazaren alde oso bat betetzen du bertako eliza handiak, Aiaren garai bateko garrantzi ekonomikoaren erakusle nabaria. Eraikinaren ezker izkinean iturri bat dago eta elizaren paretan harlauz bat herriko txistularia izandako Agustin Aldalurri eskainitako bertso hauekin:

Agustin maite: urrezko izkiz

zaitugu guk aurkeztuko,

Aia'ko erria zuk ainbat iñork

ez baitu aberastuko;

ematen ziñan biotz zabala,

artutzen berriz estuko.

Txistu ta dantzan gazteak jartzen

jendea nondik poztuko,

ta eleizetan zu organista

ain borondate prestuko,

zure izena nola ez degu

guk bertsotan abestuko;

aurrerantzean izan nahi degu

zugan arreman estuko,

jun ziñan baña gure erriak

etzaitu iñoiz aztuko.

J. M. Lertxundi

Aiako Herriak

1991-8-11

Bertsoetan ageri den bezala, txistua jotzeaz gain, mezetan organoa jotzen zuen eta, hori dela eta, modu harrigarrienean hil zen urte zaharretako mezan organoa jotzen ari zela bihotzekoak jo baitzuen eta bertan hil zen, bakarrik 54 urte zituela, heritarren begirada harrituaren aurrean.